Գեղագիտության ազգային կենտրոնի թատրոն-ստուդիան ստեղծվել է մոտ 35 տարի առաջ: Թատրոն-ստուդիայում 5-17 տարեկան երեխաները ստանում են նախնական թատերական կրթություն, որոնցից շատերը հետագայում ընտրում են դերասանի մասնագիտությունը:
Դասերի ընթացքում երեխաներն ուսումնասիրում են Դերասանի Վարպետություն, Բեմական Շարժում, Խոսքի Վարպետություն առարկաները:
Ուսմանը զուգահեռ թատրոնում երեխաների մասնակցությամբ բեմադրվում և խաղացվում են ներկայացումներ:
Թատրոնը կազմակերպում և իրականացնում է մի շարք համատեղ թատերական նախագծեր իտալական և գերմանական մշակութային և թատերական ընկերությունների հետ:
2007 թ. թատրոնն արժանացել է հայկական ամենամյա Թատերական "ԱՐՏԱՎԱԶԴ" մրցանակի "Խելագարի հիշատակարանը" ներկայացման համար, իսկ 2008 թ. "Օֆելյայի ստվերների թատրոնը" ներկայացման համար:
Վերջին հինգ տարիների ընթացքում թատրոնը մասնակցել է մի շարք միջազգային թատերական փառատոնների (Մոսկվա/Ռուսաստան, Ռուդոլշտատ/Գերմանիա, Սիբիու/Ռումինիա, Ֆլորենցիա/Իտալիա, Պարմա/Իտալիա, Կամպիլիա/Իտալիա, Ֆելդկիրխ/Ավստրիա, Երևան/Հայաստան, Լինգեն/Գերմանիա): |
