Գեղագիտության ազգային կենտրոնի Գյումրիի մասնաճյուղը հիմնադրվել է 1978թ. ԳԱԿ-ի հիմնադիր, արվեստաբան Հենրիկ Իգիթյանի առաջարկով և Ռոբերտ Արզումանյանի աջակցությամբ, գեղանկարիչ, ՀՀ նկարիչների միության անդամ պրոֆեսոր Սուսաննա Մկրտչյանի մինչ օրս տնօրինությամբ:
1983թ. մտել է ԳԱԿ-ի կազմի մեջ` դառնալով ԳԱԿ-ի մասնաճյուղ:
Գյումրիի մասնաճյուղը գտնվում է քաղաքի կենտրոնում, որտեղ դասավանդում են մասնագիտական բարձրագույն կրթություն ունեցող մասնագետներ և մանկավարժներ:
32 տարուց ավելի կենտրոնի տարբեր խմբեր են հաճախում 3-18 տարեկան 300-400 սաներ ոչ միայն Գյումրի քաղաքից, այլ նաև հարակից գյուղերից ու շրջաններից:
Կենտրոնի նպատակն է երեխաների մեջ արթնացնել սեր առ գեղեցիկը, զարգացնել նրանց գեղագիտական ճաշակը:
Կենտրոնի սաների ստեղծագործություններն ու ելույթները շրջել են աշխարհի շատ երկրներում`
արժանանալով խրախուսանքների: |
